امتياز اسلامي
أهلا وسهلا بيك(ى) أيها الزائر(ة)

يسعدنا تسجيلكم وإنضمامكم لأسرتنا الكريمة مع تحيات الإدارةSadمى ومنار وسمية)

روايـة أم البنات لا يفوتكم

اذهب الى الأسفل

روايـة أم البنات لا يفوتكم

مُساهمة  مجنونة بحبك في الخميس ديسمبر 09, 2010 10:35 pm




السـلام عليكم ورحمتـه الله وبركـاته ..

هـذي أول روايـــه لي أكتبهــآإ بـاسم ( أم البنـات )
طبعا الكل عارف مسلسل أم البنـات ، حبـيب أكتب رواية ام البنـات
بـ قصه غـير وأحداث غيـر ،،

أتمنى إنكــُم تتقبلــونهآإ بعرفكم ع الشخصيـات واذا شفت حماس بكتب لكـم

البارت الأول

الأب : فهد متــوفي صار له 18 سنــه الأم : لـيلى
وئـام : عمرهـا 25
نرمين : عمرها 23
مايا : 20
نمارق : 19
ميساء و ليساء : توأم 18

عـائله فقـيره ساكنـه في بيت قديــم من طـين وكـل وحـده له شخصـيه تختلف عن الثـانيه
البارت الأول ..

في المـدرسه الثانويه العامه ..( klhvr .. أخر سـنه لها في ثالث ثانوي ، ميساء و ليساء .. في ثاني ثـانوي

قبـل لا يبدا الطابور الصباحي بعض الطلاب في الفصل يحل الواجبات والبعض يتمشـون تحت
ونمارق كانت من الطلاب اللي بالفصل يحـل الواجب لان أصلا ماعندها وقت في البيت تحل
اما ميساء و ليساء من الطـلاب اللي يتمشون تحت ..يتمشوون ويسـالفون بـ مرح فجـأه بنت مرت جنب ميساء وضحكت وراحت
لفت ميساء عليها : في شيء يضحك
بس البنت راحت ولا ردت عليها ...
رجعو يتمشون ويسـالفون شـافو مجمـوعة بنات يشوفون ميساء : ويضحكون عليها
ماهتمت ميسـاء وظلت تمشـي .. وشافت بنتين يطالعون ميساء ويضحكــون
عصبت ميساء ووقفت قبال اختها ليساء : ليساء فيني شـيء يضحك
ليساء واهي تشوفها : ههههههههههههههههههههههه
ميساء : شنــو يادوبه شككتيني بنفسـي
ليساء مو قادره تتكلم من الضحك : ههههههههه آهـ يابطني
ميساء : يـادوبه بتقولـين ولا شـلوون .؟!!
ليساء واهي ميته ضحك : ههههههههه مريولك مقلـوب هههه والجيوب طالعه هههههههههههه
ميساء واهي تشـوف نفسها : واااي فشله يــادووبه وين أودي وجههي
ليساء : ههههه وش تنتظرين روحي الحمام ( وانتو بكرامه ) وعدليه المريـول
دخلت ميساء الحمام و عـدلت المريـول
ليساء : هههههه المره الثانيه انتبهي هذا’ الدليل إنك توك صاحيه
ميساء : دووبه وانا شدراني وليش ماقلتي من قبـل دووبه
رن الجــرس والكــل استعد حق الطـابور

أمـا في البيت الصباح السـاعه 8 .. ..
ليلى ( الأم ) : يـلا يـا وئام قومي وصحي خواتك
وئام واهي كلها نـوم : يمـه بس اشوي تو الناس الساعه 8
ام وئام :يعنــي ثمـان تشوفينه تـو الناس يلا قومي وصحي خواتك بسرعه
قامت وئام واهي تحـك شعرها : ياربي ليه انا دايم اصحى اول وحـده
ونـزلت من السرير واهي تصحي خواتها اللي نايمين بـالأرض .. ..
وئـام : نرمين يـلا قـومي
نرمين واهي كلها نوم : اول صحي مايا بعدين أقـوم
وئام : نرمينوو و وجــع قومي يلا عاد
قامت واهي معصبه : اوووفف الناس مايصحون الا الساعه اربع العصر واحنا من الصبح ولا دجــاج
مايا صحـت : ههههه يالهبله الدجاج يصحى من الفجر
وئام : وهـ فديتك مايا على طـول صحيتي مو زي بعض الناس
قامو كلهم وغسلو وجههم وراحو للـ مطبخ يـسوون لهم فطـور ..
وئــام : أكبـر وحـده مثـل مانتو عارفين حنـونه على خواتها واهي اللي صايره لهم الأم بعد أمها ليلى اللي ماتهتم فيهم واللي عليها تصحي بنتها وئـام للـ شغل واهي تجلس بالبيت مرتاحه ..
في المطبخ نرمين جالسه ع الأرض ومتسنده ع الجـدار ونايمه
مايا : ههههه وئام تكفين شوفي اختك كيف نايمه
وئام واهي تلف عليها : ههههه وش فيها هـذي جنــّت حمد الله والشكر
مايا : تستاهل تدرين امس الساعه كم نامت
وئام : كم ..؟
مايا : ست الصباح
وئام شهقت : وجعـاه لــيه
مايا : ههههه ليه يعني تفكر في حبيب القـلب اللي مو مهتم لها ولد عمها
نرمين واهي نايمه : ولد عمك انتي بعد
مايا : بسم الله انتي صاحيه
نرمين : لا نايمه
وئام : أقـول دامك صاحيه يـلا قـومي ساعدينا
نرمين : يعني ماسمعتي مايا وش قالت مانمت الا الساعه ست رحموني عاد
وئام حنت عليها : طيب بنخليك الحين بس اذا استوى الفطور تقومين غصـب عنـك فهمتي
نرمين واهي كلها نوم : اممم
خلصـو الفطـور وقـدموه لـ أمهم بأدب وأحترام وراحو لـ شغلهم المتعاد
<<--- في بداية الموضوع قلت إنهم ساكنين في بيت من طين عذرآ’ ع الخطـأ هم مو ساكنين في بيت من طين بس ساكنين في شـقـه قديمه ..

واهم يمشـون
مايا : وئـام تأخرتي على شغلك كثـير
وئـام : عادي ماراح يسـون شـيء بس اهم شيء اوصلكم
نرمين : لا تخافين علينا أنتِ روحي واحنا الله معانا
وئام : يعني شايفين كذا ..؟
نرمين ومايا : إيـوا
راحت وئـام لـ شغلها فـي مدرسة الأبتدائيه وكـان شغلها فراشه اللي أجبرتها الظروف على هذي الشغـله
أمـا نرمين تشتغل في حضانه أطفـال .. ومايا تشتغل في مشـغل حـق استقبال فـقـط
بالمدرسه الأبتدائيه ..
اخذت وئام ملف من المديره علشان تـوصله لـ معلمه ، وبين ماكانت تمشي صقعت في بنت بصف سادس ابتدائي راسه ثـلاث مرات : وجــع انتي عمياء ماتشوفين
وئام : مـدري مانتبهت
عبير : حمد الله والشكر روحي بس لـ شغلك وبعدها ابيك تروحين تنظفين فصلي فهمتي
وئام : اذا كنت اشتغل عـندك تعالي أمريني انظف فصلك
عبير : اقـول تقلعي بس عن وجهي وغصب عنك بتنظفين الفـصل
احقرتها وئام وشمت بطريقها ... عصبت عبير منها ولفتها عليها : مو انا عبير اللي تحقريتي يافراشه
وئام بحده: ابعدي عن شـري أحسن لك
عبير : طـيب ياافراشه انا أعــلمك من تكــون عبير اللي تطاولين لسانك عليها
راحت وئـام بطريقها ولا اهتمت لهـا
عـند نرمين طـول الوقت نايمه والصغار يلعبون
جنى واهي تصيح : ابله نرمين
نرمين واهي تتثاوب : ها وش تبين
جنى : عبود ضربني
نرمين ببرود : عبود اعقل لا تضربها
ونــامت مره ثانيه .. جلست جنى ع الأرض واهي ماسكه دفتر وتلــون .. أخذ عبود عـود طـويل وضـرب جنى فيها
طاحت جنى ع الأرض واهي تنــزف دم
وحده من الصغار / ابله نرمين جنى جنى
نرمين واهي تتثاوب : لاحوول وش فيها
واهي تأشر على جنى: جنى ماتت
لفت على جنى بخـوف وشافت الدم كله بالأرض رفعتها بخـوف وشافت عبود يركض للـ شـارع حاولت تلحقه بس ماقدرت وبيدها جنى نادت ع الخدامه : إرنا إرنا بسرعه عبود طلع برا
راحت رنا ببرود الشـارع تـدور على عبــود
غسلت راس جنى اللي مازال ينزف دم مو عارفه وش تسوي اخذت الدفتر واتصلت على أم جنى وام عبود
أم عبــود : عبود الحين وينه ..؟ وكيف انتي ماتحسين فيه انتي ماعندك قلت احنا أمنـاك على عيالنا وانتي نايمه
نرمين بخوف : والله سامحيني ماقدرت أسـوي شيء كانت البنت بأيدي وقلت للـ خدامه تركض وراه
ام عبـود : قـولي هذا الكـلام في مركز الشرطه
شهقت بخــوف : شــرطـه ليه انا وش سويت
ام عبـود : خطفتني ولدي وضربتي البنت على راسها وقلتي إن هذا عبـود ولدي
نرمين : والله العظيم انا مالي ذنب اسأليهم كلهم
طلعت أم عبـود على طـول في مـركز الشرطه وأخــذو نرمين للـ مركز
نرمين واهي تصيح : من وين أجيب محامي
الضابط : والله هذا مو مشكلتي مشكلتك انتي
جلست ع الكنب اللي جنبها وغطت وجهها بأدينها واهي تصيح : أبـــي وئــام جيبوها لـي
الضابط : منو وئـام يعني تتوقعين بتقدر تطلعك ..؟
نرمين : إيي اهي الوحيده اللي تقدر جيبوها لي
فــي المشغـل ومن حسن حـظ نرمين ..
ام سعود : تفضلي يا مايا
مايا : شنو هذا ..؟
ام سعود : هذا مكافـئه مني لك
ابتسمت مايا بفرح : مشـكوره خالتي ماقصرتي
ام سعود : العفو ولو وهذا اقـل من جزائك من جيتي تشتغلين هنـا و الزباين زحمــه علينا واذا الله وفقنا بأذن الله بخليك تكونين شريكه لـي
اكتفت مايا ببـتسامه واهي تتخيل خواتها كيف بفرحون بـ هذي الفلـوس
السـاعه وحـده الظهر
في المستشفى
ام جنى واهي خايفه على بنتها : بشر دكتور وش صار عليها
الدكتور : الحمد الله صحت بس راح تكون تحت العنايه
ام جنى بفرحه : الحمد الله الحمد الله يــارب
فـي الشـارع نمارق و ميساء وليساء يمشـون
نمارق : يالله تعـب الشنطه ثقيله امسكوها لي
ليساء وش رايك انتي تمسكين شنطتي وانا امسك شنطتك
نمارق : هاها تنكتين مع وجهك
خالد : هااي
ميساء : هايات
ضربتها نمارق وسحبتها من إيدها : يالغبيه ليه تردين عليه
ميساء : بعد السلام لـ الله
نمارق : حمد الله والشكر بعدين هو قال هاي ماقال السلام عليكم
ميساء : انتي الحين جالسه تفهميني شوفي وراك
لفت وراها وشافت ليساء تسولف معاه
راحت نمارق عندها وسحبتها من إيدها : انتي جنيتي وش تسولفين معاه
ليساء : هو يسـألني عن محل **** وانا جالسه اعلمــه
نمارق : ياربي منكم بتجننـوني ماعليكم منه هذا جالس يلعب
مشـو بـطريقهم و وصلــو البيت ..
ليلى أم وئام : يلا ارتاحو خمس دقايق وسوو الغداء
ميساء : يممه تونا جايين
ام وئام : ايي وانا وش قلت ارتاحو وقومو سوو الغداء ..
في مركز الشرطه ...
وئـام : بس اهي قالت انها مالها ذنب وحتى الصغار اعترفو والخدامه بعد وش تبــون أكثر...؟
الضابط : انا مافي يدي شـيء غير إن الحرمه تتنازل عن القضيه أو انكم تجيبون محامي
وئام : وليه ماتتنازل
الضابط : الحرمه تبي ولدها
شهقت نرمين : مالقته لما الحين ؟
الضابط : مثل مانتي شايفه مالقته لما الحين وانتي اللي بتكونين المسـؤله
وئام : يعني شنو اختي تنسجن على شـيء اهي مالها دخل فيه
دخـلت مايا ببـتسامه كـالعاده واهي حامله الظرف فيه فلوس اللي يكفي حق محامي وأكثر : السلام
الكل : وعليكم السـلام
مايا : احنا قررنا نحط محامي
وئام : مايا وش فيك من وين لنا احنا فلـوس
مايا : لا تخافين توني مستلمــه مكــفأه
نرمين : تكفــون مابي امي تدري عن شـيء وحتى خواتي
وئام : ان شاء الله راح نطلع بسرعه قبل لا يصير ثـلاث
الضابط : انتو شايفين القضيه سهله هذا فيها اختطاف وضـرب طفله
وئام : الضرب خله على جنب ام جنى الله يجزاها خير تنازلت عن القضيه اما الأختطاف ان شاء الله راح يرجع الولد
الضابط : اتمنى بس ياليت تشوفون لكم محامي بأقرب وقت
.. ..
بو زياد : كم مره انا قايل لكم هذولا مو بنااات عمكم
زياد : كيف يبــه يعني مو بنات عمنا ليه تبريت منهم
اياد : ولا تنسى يا يبه ان فلـوسهم الورث اللي من ابوهم اللي اهو عمي كله عندك يعني لو هذولا الفلـوس عندهم كـان البيت اللي احنا فيه ملك لهم مو لنا
بو زياد : استح على وجهك ولا تكلم أبـوك بـ هذي الطريقه صدق اني ماعرفت اربيكم
زياد : لا تــزعل يبــه بس هذا الحق اخذ الفلـوس بس ع الأقل خلنـا نسـأل عنهم لا تنسى انهم كلهم بنـات
بو زياد : والله لو أحد يجيب هذا الطاري ياويلكم لا هو ولدي ولا انا ابـوه والفلـوس اللي تتكلمون عنها هذا فلـوسي انا بتعبي بـ مجهودي
عــائلة بو زيــاد .. : بو زياد يكــون أخـو بو وئـام شراني وهو سارق حـلال اخوه قبـل لا يتوفى أنتقـــام منه وراح تعرفون سبب الأنتقام بـوسط الروايه ..
أم زيـاد : أم طيــبه وحنــونه على عيالها واهي اللي قالت لهم عـن سـر ابوهم
أولادهم ( زياد _ اياد _ فارس _ ساره )

الجــزء الثـاني

صـارت السـاعه ثـلاث والبـنات لمـا الحين مـاجاو
نمارق : يمـه بديت اخاف عليهم وينهم المفروض قبـل ثلاث يجـون
ميساء : ياويلي ليـكون خطفـوهم
ليساء : هيي انتو لا تفاولون عليهم الحين بجـون
نمارق : ياربي ان شاء الله يجـون بأسرع وقت
ليساء : اذا ماجاو نقـوم احنا ندورهم
ام وئام : بس اذيتوني ماجاو ماجاو يمكن عندهم شغل ولا شـيء
فـي مركز الشـرطه ...
الضابط دلاهم على محامي واتصلو عليه ..
وبعد القـيل والقــال والتحقيق وهـذا تــم الأفـراج عن نـرمين وتـم فصلها من الحضـانه ..
فـي الطريق واهم يمشون نرمين طول الوقت تصيح : ياربي وش بقول حق امي
مايا : خلاص حبيبتي لا تبكين وربي قطعتي قلبي ان شاء الله امي راح تتفهم
نرمين : مستحيل مستحيل امي تتفهم انا اعرفها تمـــوت بـالفلـوس
وئام بضيقه : الله يعـــين
مايا : إيـوه صح انتي الحين لازم تروحين الحضانه وتستلمين راتب نص الشهـر
وئـام : كيف راح عن بالنا يلا قومو نغير الطريق
نرمين بستهزاء : ههه أنا راتبي الف ونص يعني كم بيعطـوني 500
وئـام احمدي ربـك عاد
مايا : لا مو 500 المفروض 700
نرمين : اللي اهو
وئـام : ايي راتبك مع مكـافأة مايا تجيب أكثـر من راتبك اللي يعطـونك أيـاه
نرمين : لا فلـوس مايا خليها عندها يكفي انها دفعت حق المحامي
مايا : ياحبيبتي فلـوسي ولا فلوسك بـالأخير الفلـوس هذي راده حق امي
وئام : وانتي الصادقه

وصــلو الشـقه ودخلو بتعب
ام وئام : المره الثانيه لا تتأخرون ويلا تشوفون الغدا ع المطبخ جاهز
مايا : تغديتو ...؟
ام وئام : انا تغديت بس خواتك قالو بيتظرونكم
راحت نرمين عند أمها واهي منزله راسها ومدت لها الفلـوس
ام وئام بفرحه : شنو هذا ..؟
نرمين : راتبي
ام وئام : بس أحنا بنص الشهر ماكملنا شهر ؟
نرمين : علشان طـ ... طرد.. طردوني
ام وئام بشهقه : طردوك لـــييه .؟
نرمين : مـ مدري
امسكت بنتها من شعرها : علميـيييني وش مســويه ليه طردوك
نرمين واهي تصارخ : يممه آهـ تركييني يألم
وئام : يممه الله يهداك وش فيك هذا بدل ماتواسينها تضربينها
ام وئام : انا عارفه اني اهي اللي طلعت من الشغل علشان تنام بالبيت وترتاح واخواتك اهم اللي يشتغلون بس اسمعي يابنت فهد والله ماخليك ترتاحين الساعه ثمان مع خواتك تطلعين وتدورين لك شغل عساك تستغلين طراره
ركضت نرمين لـ داخل الغرفه واهي تصيح والحقتها مايا
وئام : يممه حرام عليك اللي تسوين فيها اللي فيها مكفيها وانتي تزيدين حتى ماسألتي ليه تأخرتو
ام وئام : ماراح اسـأل شـيء وتعب نفسي معاكم يلا روحي حطي الغداء حق خواتك وقولي حق مايا تروح الشغل لا يطردونها بعد هذي يكفي وحـده
دخلت المطبخ تحـط الغداء اللي بـرد من كثر التـأخير
في الغرفه بعد ما مايا قالت لـ خواتها السـالفه
نمارق : امبيه كل هذا صار وماحد يدري طيب امي عرفت ..؟
مايا : هي امك اسألت علشان تعرف
ميساء واهي تضم نرمين : حبيبتي لا تزعلين نفسك بكره انا وليساء بنغيب ونروح معك ندور شغـل ولا تحاتين
نرمين : لا انتو مالكم دخل باللي صار هذي غلطتي اللي مانمت الا الفجر وافكر في واحد مايدري عن هوا داري
مايا : ههههه ياعمري قلنا لك من قبـل انسيه
نرمين ماده بوزها : ياليت أقـدر
نمارق : الحين خلونا من زياد وفكرو وين راح تشتغل نرمين
ليساء : خلاص مثل ماقلنا انا وميساء ماراح نروح المدرسه
نمارق : وامي راح ترضى
ميساء : عادي وش دراها ماحد بقولها
مايا : لا انتو روحو المدرسه وانا بوديها معي المشغل
نرمين : أي مشغل ؟
مايا : اللي انا اشتغل فيه اهي حـرمه طيبه وتحبني واكيد لو اقولها تشتغلين معاي ماارح تـرفض
نرمين : طيب وش اشتغل بالمشغل ماعرف شـيء
نمارق : انا راح اعلمك كيف تقصين الشعـر
مايا : إيـوا و أنـا بقولها اختي ماهره بـ قص الشعر
نرمين : طيب وكيف راح اعرف ..؟
نمارق : انا بعلمك
نرمين : ايي طيب كيف راح تعلميني
نمارق واهي تفكر : اممممم بـ ميساء وليساء
ميساء وليساء مع بعض : لا والله
مايا : هههههه ايوا صح نمارق تقص شعر ميساء ونرمين تقص شعر ليساء
ليساء : انا ابي نمارق اخاف نرمين تخرب شعري
ميساء : لا والله انا نمارق اهي اللي بتقص شعري
دخلت وئـام ومعاها صحـن الغداء ...

في بيت بو زياد ..
زياد : شرايكم نروح بيت عمي فهد
اياد : ايي تبي ابونا يذبحنا
فارس : وش اللي بخليه يدري يلا قومو
اياد : هههههه فروس متحمس واخيرآ’ بشـوف نمارق
فارس : ههههه فديت قلبها مشتاق لها
زياد : يلا عن المراهقه ويلا قومو
البسـو وقـامو يروحون بيت عمهم فهد ..
نـرجع لشقة أم وئـام
نمارق : اول شـيء راح اعلمك قصـة الفراوله
أخذت شعر ميساء وقصتـه فراوله من جهة اليمين .. وراحت نرمين أخذت شعر ليساء وقصت الفراوله من جهة اليمين
ميساء : هههههههههههههه ليساء شوفي نفسك بالمرايا جهة اليسار طويل واليمين قصـير على قصة فراوله
ليساء واهي تشوف نفسها بالمرايا شهقت : وش مسوين فيني ... لفت على اختها ميساء : هههههه حتى انتي
ميساء : يااااادووبين ليه كذا
نمارق : علشان الجهه الثانيه بعلمها قصـة غير
ليساء : لا والله وشعرنا لعبه جهه فراوله وجهه قصـه ثانيه
ميساء : الحين الحين تقصـون شعرنا متساوي ولا بناخذ شعركم وبنلحقه ع الصفر
مايا : هههههه عاد ذولا لا تستبعدون عنهم شـيء فـي أي لحظه يسوونها
نمارق : يــوووه منكم وش هالغباء بعدين راح ارتبه
ليساء : طيب فـي الأخـير انا ابي تقصين شعري مثـل هيا عبد السـلام
ميساء : وأنـا ابي مثـل شوجي شوشو
<<-- *_^
أنتهـو من قصـة الشعـر وطلعو من الغرفه وراحو عـند أمهم
ام وئام : حمد الله والشكر ادخلو بس وذاكرو
لفو على بعض بتحطيم وهم مادين بوزهم كالعاده لازم امهم تفشلهم وقبـل لايدخلون لمحو زياد واياد وفارس ركضو عند الغرفه : نــرمـين نرررمين
نرمين بخرعه : شنو وش فيه ..؟
ميساء : زياد زياد جايب أهله كلهم علشان يخطبـونك
لفت على خواتها بصدمه
مايا : قــولي قـسم
نمارق : لا تلعبون بأعصابها وقولو الصج
ليساء : والله شفنا اياد وفارس وزياد متكشخين ع الأخـر
وئـام : وأخيــرآ’ تحقق مناك يانرمين
نرمين : ياااربي مو مصدقه احس إني بحلم
نمارق : عيـوني لحظه لا تفرحين يمكن مو جايين علشان خطبه
ليساء : الا متأكدين إنها خطبه ومليون بالميه
وئـام واهي تلبس العبـاه : انا بطلع وبشـوف
مايا : حتى انا بطلع معك انتظريني
نمارق : انا بـتروش وعطــوني الأخبـار
راحو الكل وظلو ليساء وميساء بالغرفه مع نرمين ..
ليساء واهي تمشط شعر نرمين : الحين مايا بتسوي العصير وانتي تقدمينه لهم فاهمه
ميساء : إيـوا وتدلعي ولا تعطين العصير أحد بس قدميه حق زياد وحطيه بالطاوله
ليساء : ههههه ماعليك منها العصير قديمه حق الكل وزياد اخر واحد
نرمين : ليه يعني انا بدخل عليه
ميساء : ايي بسـون لك نظره شرعيه
نرمين بشهقه : من جدكم
ليساء : ايوا لازم
بعد مالبسوها وكشخـوها وصارت قمر 14 .. تـوها بتطلع الا دخلت مايا : على وين ؟
نرمين : بروح اعطيه العصير
مايا : وكذا بتروحين ..؟ وبعدين شنو هالبس منو اللي قاص عليك
نرمين ببراءه : ميساء وليساء
مايا : نرمين حبيبتي ميساء وليساء حسابهم مع وئـام بس انتي لا تضيقين عمرك ولا شـيء لانهم بـالأسـاس جايين بس يسـألون عنـا مو خطبه ولا شـيء
لفت نرمين عليهم وركضـت وراهم : ياحقـيرين لــيه تسوون كذا تخلــوني افــرح ماحبكم
بــره في الصاله .... أم وئام : اتوقع خلاص سـألتو عنهم وعرفتو انهم بخير
فارس : بس احنا جايين نسـلم عليهم
تأففت أم وئام وراحت المطبخ ..
وئـام بأحراج : معليه انتو عارفين أمـي تفضـلو اجسلـو وانا بنـادي البنات
جلســو بتعجب من الشـقه اللي عايشين فـيها اللي توضــح إنهم فقــاره من جد ..
وئـام : يلا تعـالو يبــون يسلمـون علينا
نمارق : وآآآي فششله ماعرف
وئـام : انا اللي تفششلت من جد من امي
مايا : مو غريب على امي دايم تحرجنا مع النـاس
وئام : طيب يـلا قومو وين نرمين وليساء وميساء
مايا : ههههه هناك نرمين ذبحتهم
نمارق : هههههه احسن يستــاهلون المسكينه فــرحت
وئـام : طيب يلا روحو لهم وانا بناديهم
فــي الصاله..
مايا ونمارق : السـلام
زياد واياد : وعليكم السلام
أما فارس قال بميانه وهو يشوف نمارق : وعـلــيـكم السلام (( قالها بحماس
نمارق : عن اذنكم بروح اجيب العصير
زياد : لا مايحتاج اجلسي
فارس : انتي اللي مسويه العصير
نمارق ببتسامه حلوه : إيـوا
فارس : اجل جيبي لـي أكبـر كاس عندكم فيه عصير
اياد عطـى أخـوه نظره خلته يسكت ... وراحت نمارق تسـوي العصير واهي مستغربه من فارس
دخلـو باقي البنات : السـلام
الكل : وعليكم السـلام
ودخلت نمارق وقدمت العصير لهم وجلست واهي متوتره من نظرات فـارس ..
زياد : الحين انتو كلكم تدرسـون
وئـام : لا بس نمارق وليساء وميساء
فارس : نمارق انتي أي صف ؟
نمارق بحياء : أخر سنه لي
ميساء وليساء على طول: واحنا في ثاني ثانوي
لفت عليهم نمارق واهي متفشله منهم وقالت بصوت خفيف : هيي اهو سـألني أنـا فشلتونا ثقلـو
اياد : ماشاء الله ، الله يوفقكم بـس عرفـوني على اسمائكم اتلخبط انا بينكم
زيـاد بحماس : انا بعرفك عليهم بشـوف أذكرهم أو لا .... ذكرهم كلهم يـوم وصـل حق نرمين نزلت راسها بخجل وجهها صبغ الوآن ...: أنتي أسمك صعب آممم ياربي وش فيني نسيته وهو على وزن دولفين صح
الكل : هههههههه
ميساء بميانه : حلووه دولفين جبتها
ليساء : هههاااي الله يعينك يانرمين خلاص من يوم ورايح اسمك دولفين
ضحكت عليهم بنعـومه
زياد : إيــوا نرمين صح ذكرت وبعدين ليه تعلقـون عليها مسكينه
ميساء : خلاص دامك انت قلت دولفين يعني نرمين دولفين
زياد : ههههه بس يمكن نرمين ماترضى على اسمها
ليساء : لا أبـشرك دامك انت قلتها دولفين أكيد بترضى وبتقـول حق البنات كلهم سموني دولفين
التفتو البنات كلهم على ليسـاء اللي احرجت نرمين توترت من نظراتهم وقالت واهي تحك جبهتها : قلت شيء غلط
زياد حق نرمين : صح اللي قالته ليساء بتقولين حق البنات كلهم اسمك دولفين
اشتحنت نرمين ودهـا تقـوم بس خايفه زياد يشك بـ شيء : لا .... مـ مـد مـد مـدري
فارس يغير السالفه : انتو تشتغلـون ..؟
انحرجت وئـام من سؤاله و قامت واهي تقول : عن أذنكم
اياد و زياد : وين
وئام : أشـوي وبرجع ..
جلسـو يسـالفون وغيرو سالفة الشغل بعد ماحسو إنها فيها أحـراج وبعدها طلعـو . .
فــي السياره ..
فارس : شفتو نمارق ياالبيه عليها كبرت وحـلوت
اياد : على طاري نمارق وجع احرجتها انت من جد سوالفك كله لها
فارس : آآآآهـ لا تلوومني ماقدر اشوف وأظل ساكت
اياد : اتحداك اذا ماشكت بـ شيء
فارس : خلها تشـك يمكن تحس فيني أشـوي
زياد : اياد انت ارتحت حـق منو
اياد : الكل
زياد : إيــادووه يلا عاد
اياد : وش تبي ..؟
زياد : ست بنات جنبك مارتحت حق ولا أحد
فارس : هي شنو ست بنات قول خمس بنات خلاص نمارق لي شيلها من القائمه
زياد : طـيب ولا تزعل خمـس بنات
اياد : بصـراحه انا ارتحت حق مايا حسيتها هادئه تجنن
زياد : هههههههه شنو تجنن من اولها
اياد بأحراج : لا اقصد هدوئها يجنن وانت زياد ماعجبتك وحده منهم
زياد : الهبلتين ليساء وميساء هههه
فارس : الله بتتزوج ثنتين

عـند البنـات ..ماحد مهتم بـس نرمين اللي ذايبه مو مصدقه انها اليوم كلمت زيـاد
ليساء / دولفين دولفين
ميساء / ههههههه اللي ماخذ عقلك يتهنى به
نرمين / ههههههههه يادوبين ليه تقولون له اني بقول حق البنات اسمي دولفين
نمارق / ههههههه من جد احرجونا ان شاء الله مافهم
نرمين / لا مابي
نمارق / شنو ماتبين ؟
نرمين واهي منزله راسها / ان شاء الله فهم
ليساء / هههههه
مايا / يلا نرمين بلا هرج وقومي معاي المشغل
نرمين واهي متحمسه / أوكـ أشـوي والبس واقوم معك
ومرت الأيـام والبنـات هذا حالهم ...( يصحـون الساعه ست علشان نمارق وميساء وليساء يقومون للمدرسه والباقي الساعه ثمـان للـ شغل ..
وفـي يــوم ..
ميساء / تكفــون البنات كلهم يتكلمــون عن الواجهه البحريه أبي اروح
ام وئام / لا مافي روحه
ميساء / ليه يمــه
ام وئام / مايا ونرمين وراهم شغل
نرمين / عادي يمـه انا ومايا مانبي نروح بس اهم خليهم يروحون ويغيرون جـو
ليساء / شفتـي يمه يـلا يابنات قومو لبـسو
ابتسمت أم وئام بـ خبث واسكتت ولفت ع التلفزيـون ..
مـايا ونرمين بالشغل ..
والبنات في الواجهه البحريـه
وئام / قلت لا يعني لا ماراح اخليكم تمشون الحالكم
ليساء / وئـوم تكفين انتي روحي مع نمارق وانا مع ميساء وربي راح نجي بسرعه
ميساء / ايواا تكفين وئام والله ماراح نتأخر
وئام / طيب بعدين وين اشوفكم ؟
ليساء واهي تأشر على مكان / هنــا
وئام / اوكـي ولا تتأخرون ..
تقــاسمو البنـات ..
عند نمارق و وئـام ..
وئام / شرايك نجلس احسن
نمارق / يلا نجلس نجلس
وعـند ليساء وميساء ..
ليساء / ميــوس شوفي هذا خقق
ميساء / ووع ماعنده سكسوكه
ليساء / هههه يعني لازم سكسوكه ولا يكــون وع
ميساء / ايوا لازم
ليساء واهي توقف / لحظه اوقفي بطلع بطاطس من الشنطه
وقفـو قبـال بعض وجاهم واحد نفس الشخض اللي سألهم عن رامز { خالد }
خالد وبـ إيده ورده / تفضلو
اخترعت ميساء وصرخت / يمممه
ليساء بشهقه / بسم الله
خالد / بسم الله عليكم وش فيكم انا بس جاي اعطيكم ورده
ميساء / خرعتنا علشان ورده
خالد / اسف مدري
ليساء واهي تاخذ الورده / طيب يـلا مشكور
مشــو بطريقهم وخالد مستغرب / ههه حمد الله والشكر اخذت الورده وراحت بس انا اوريكم
ميساء واهي تشم الورده / واااااي تجنن
ليساء / لونها احمـر تهبل
ميساء / ليـوس اذا سألتنا وئام وش نقول
ليساء / لا لا ماراح اخليها تشـوف
كملــو طريقهم ..
فجــأه ليساء قالت حق واحد / ياقليل الأدب معاك زوجتك وانت تناظر فيني
ميساء واهي ماتدري عن السالفه / صج يعني قلــة حياء
الولد / ههههه ياحلوين هذي مو زوجتي هذي أختي
شهقو مع بعض واهم يقوولون / تقول ياحلوين قدام اختك
البنت / رامي وع خلك منهم هذولا مو حلوين قـوم عند بنات أحلى
ليساء / الحقيره سمعتي وش قالت احنا مو حلوين
ميساء / والله لو اني فسخت الغطـاء كان خقيتي يالي ماتستحين على وجهك
ليساء / امشي و لا تحرين نفسـك مع ناس سخفـاء
ميساء / ليـوس تأخرنا يلا قومـي
راحو بـ نفس المكان اللي اتفقو عليه مع اختهم والورده كانت وراء ليساء علشان وئام ماتحس فيها
وئـام / شنو وراك اعترفي
ميساء واهي تغير السالفه / ههه اهي الله يهداها تبي تسوي مفـجأه
ليساء بطفوله / لا مابي مابي اهو عطاني الهديه
نمارق واهي تشهق / منووو هــذا اللي عــطااك الهديه
وئام / وشــو ولد معطيك هـديه
ميساء /ههه مو هديه هديه يعني هذا بس ورده صغنــونه
وئـام / اشوفها بسسرعه
ليساء واهي ماده بوزها مدت الورده حق وئـام ... و وئـام قطعت الورده وقطتها بالأرض / يلا امشو قدامي يامراهقين
مشو واهم منزلـين راسهم .. و وئام ونمارق قدامهم
واهم بركبــون السياره تجمعو شبـــاب وسحبو ليساء وميساء وركبوهم السيـاره

انتهى ـآ


ابي اشوف رودودكم عشان اكمل نقل الرواية

مجنونة بحبك

عدد المساهمات : 3
تاريخ التسجيل : 21/11/2010

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: روايـة أم البنات لا يفوتكم

مُساهمة  أسيرهـ بلا قيود في الجمعة ديسمبر 31, 2010 9:45 am

تسلمين ع الروايه الحلوه
كمليها يلا
avatar
أسيرهـ بلا قيود
مشرفة
مشرفة

عدد المساهمات : 49
تاريخ التسجيل : 23/08/2010
العمر : 22
الموقع : In the world of private

معاينة صفحة البيانات الشخصي للعضو http://gnobe.ahlamontada.net/forum.htm

الرجوع الى أعلى الصفحة اذهب الى الأسفل

رد: روايـة أم البنات لا يفوتكم

مُساهمة  أسيرهـ بلا قيود في الجمعة ديسمبر 31, 2010 9:45 am

تسلمين ع الروايه الحلوه
كمليها يلا
avatar
أسيرهـ بلا قيود
مشرفة
مشرفة

عدد المساهمات : 49
تاريخ التسجيل : 23/08/2010
العمر : 22
الموقع : In the world of private

معاينة صفحة البيانات الشخصي للعضو http://gnobe.ahlamontada.net/forum.htm

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى